每年日本各大雜誌舉行嘅寫真選美比賽都吸引超多女仔報名，但最終能夠獲得大家留意嘅好可能只有總冠軍一人，整個過程堪稱「一將功成萬骨枯」。但其實就算唔係冠軍，能夠脫穎而出進入最終名單嘅女仔都有獨特嘅吸引力。好似今晚要為大家介紹呢位「藤本沙羅」就係其中之一啦！

現年21歲嘅「藤本沙羅」原本係演員出身，於2020年起就參加過電視劇集拍攝。到2022年時轉經理人公司之後，就毅然參加由《週刊Young Magazine》主辦嘅「Miss Magazine」比賽而寫真出道。當年佢擊敗全國超過3,000名參加者，進入最終16強，雖然最終輸咗畀「咲田ゆな」以及近年努力擺脫寫真形象嘅冠軍「瑚々」，但都拎到「審査員特別賞」叫有個交代。同時亦為佢打開寫真界嘅大門。

比賽完咗之後，「藤本沙羅」繼續發展演員事業之餘，閒時亦會為各大雜誌影下寫真。憑住162cm身高、以及練咗15年、勁到可以出國留學嘅芭蕾舞資歷帶來嘅柔美身段，成功於日本演藝界踏穩陣腳。不過佢佢自認為嘅最大賣點，就係又圓又軟嘅面珠墩。唔知各位又同唔同意呢？

IG：fujimoto_sara_official