我成日都話，雖然唔少日本女星都有拍過寫真，但對佢哋黎講「寫真」只係一個宣傳手法，好少人真係會將寫真當成主要工作（甚至即使係寫真女星，佢哋嘅目標應該都唔拍一世寫真），所以唔少女星拍過下、賺咗人氣就唔會再拍。再換言之即係有女星返黎拍寫真，其實係一件幾難得嘅事，好似今晚要介紹嘅呢位「高田里穂」，就係其中之一啦。

新寫真

現年30歲嘅「高田里穂」，最早係於2007年以時尚雜誌模特兒出道，2010年時於《幪面超人OOO》中飾演泉比奈而走紅，順理成章地就拍過下雜誌寫真，仲出過三本個人寫真集。不過佢似乎非常清楚自己嘅目標係做演員，所以之後嘅10年佢都專注於戲劇發展，直到2021年先再次於《週刊Playboy》上寫真亮相，2022年10月推出埋第四本個人寫真集後就再次「封胸」。

過去寫真

直到近來，一方面係因為佢要宣傳電影，另一方面則係想為30歲留個紀念，所以事隔近3年再次登上雜誌拍攝寫真，而且仲係遠赴台灣拍攝——雖然睇相其實唔太睇得出——可謂誠意十足。不過以過往慣例，拍完今次佢唔知又要等幾耐先會再拍寫真，所以鍾意佢嘅大家就要把握機會好好收藏啦。

IG：riho__takada