女團成員出寫真唔係啲咩新鮮事，尤其係有返咁上下資歷而且又啱啱退團嘅偶像，就更有機會推寫真黎衝下人氣。好似今晚要介紹呢位前AKB48成員「中西智代梨」咁，就喺短短5個月內出咗兩本寫真，其中本月初推出嘅，更號稱全本寫真集嘅露出度均於「水著以上」——唔明即係點呀？睇圖咪明囉！

現年30歲嘅「中西智代梨」於2011年先成為HKT48嘅創團成員，出道後無耐就因為自己對搞笑藝人表演非常有興趣而去參加日本著名嘅R1大賽，成績唔錯之餘亦為自己打響名堂。2014年佢被移藉至AKB48，期間亦同宮脇咲良一齊去韓國參加選秀節目《Produce 48》，但最終未有於韓國出道。2023年5月於個人YouTube宣佈退團，成為HKT48創團成員中最後一位畢業者。

而今年4月，「中西智代梨」就宣佈會推出出道以來首本個人寫真集《ちより日和》。寫真集於東京及福岡拍攝，而且有唔少性感泳衣照。或者係因為寫真集反應唔錯，所以於推出短短4個月就宣佈會推出第二版《ちより日和 Another Editonm》，收錄未有放於原版寫真集嘅靚相，而且仲號稱所有相嘅露出度都係「水著以上」——我搵到嘅新寫真集相中佢直頭係無著衫嘅，算佢無講大話啦！

IG：sukiyaki_daisuki512