大家仲記唔記得2000年嘅你做過啲咩？啱啱出黎做嘢？仲讀緊書？定好似我咁仲係一隻小學雞？25年過去，係咪覺得今時今日好多嘢都唔同咗？但有一樣嘢係仍然無變，就係25年後嘅今日你打開日本寫真界新聞，仍然會見到出道25年、現年41歲嘅「磯山さやか」發光發熱！

25年前仲讀緊高中二年級嘅「磯山さやか」，因為睇到雜誌上嘅招募而請假去東京參加試鏡，雖然試鏡落選，但於離開時就吸引到另一位經理人嘅注意，結果依然獲得簽約機會，並從此開啟其往後25年嘅演藝生涯。呢25年黎「磯山さやか」身兼多職，例如出道首年就有份參演木村拓哉主演嘅《HERO》；2008年參演《水戶黃門》，當中一場出浴戲更將其人氣推向頂峰；其參加過嘅綜藝、廣告更係多不勝數。

不過要數到海外Fans最熟悉嘅，就一定係佢嘅寫真作品。自出道以黎「磯山さやか」就一直活躍於寫真界，出道初期就已經係各大雜誌寫真常客，甚至到近年佢仍然有寫真新作推出，例如2023年就有寫真集《and more》。而為咗紀錄出道25週年，黎緊10月22日佢亦會再推新寫真集，再次展現雖然已經41歲，但仍然極具吸引力嘅好身材。淨係25年黎都Keep到個水準，都已經值得大家支持啦！

IG：sayakaisoyama