日本各大青少年雜誌嘅寫真版面，係一眾寫真女星嘅主戰場。但由於僧多肉少，加上要為讀者提供新鮮感，哪怕寫真女星再紅再受歡迎，都好少會於短時間內出現於同一本雜誌之上。而今晚要介紹呢位「福田ひなた」就係當中嘅特例，近日以破紀錄嘅速度再次為《週刊Young Jump》拍攝新寫真！

現年24歲嘅「福田ひなた」於2021年時參加日本經理人公司TWIN PLANET於「TOKYO IDOL FESTIVAL 2021」舉行嘅徵選會，並從超過3,000名應徵者中脫穎而出，同年10月以女團「可憐なアイボリー」（可憐的象牙）創團成員出道。團體於往後幾年雖然經歷人員變動，但成績及人氣都一直穩步上揚。「福田ひなた」本人亦於今年5月於《週刊Young Jump》獻出處女作，正式踏入寫真界。

雖然「福田ひなた」身材唔算非常搶眼，但睇黎就深得日本男生歡心，所以處女寫真銷量非常亮眼。搞到《週刊Young Jump》於短短5個月後就搵佢拍新一輯寫真，打破咗雜誌自己嘅寫真回歸間距紀錄。以佢依家呢個氣勢，或者好快就會晉身為寫真界一線巨星啦！

IG：kareai_hinata