以前話一個明星好紅，我哋會話佢「歌影視三棲」，而日本寫真界中，其實亦有唔少人係多棲女星。好似今晚要介紹呢位「相沢菜々子」咁，本身由賽車女郎出道，然後兼職做埋寫真女星；後來寫真變咗本業，佢近來又跨界去做埋聲優，咁都算係「三棲」呀？

現年29歲嘅「相沢菜々子」早於20歲時就被星探發掘，2018年就開始成為Super GT嘅賽車女郎，曾效力「TEAM IMPUL」、「RAYBRIG」、「TEAM KUNIMITSU」等多支車隊，更於2020年頭贏過「GOODRIDE賽車女郎大賞」嘅「實行委員會大賞」及「サンスポ Race Queen Award」被選為第二代總冠軍；2022年又贏「MediBang 日本レースクイーン大賞2021」嘅「賽車女郎大賞」，係賽車女郎界嘅當紅人物之一。亦因為佢於賽車界嘅出色發展，所以自2019起就已經踏入寫真界，成為半個寫真女星。

由於「相沢菜々子」過去於賽車界嘅形象深入民心，所以早前播出嘅《頭文字D》續集動畫《MF GHOST》，亦搵佢為女賽車手配音，成為佢踏足聲優界嘅處女作。

有趣嘅係，2023年1月時，「相沢菜々子」曾經宣佈退出賽車界，隨即仲出咗首隻寫真DVD，儘情展示173cm高嘅九頭身身材，似乎係想全心投入寫真界。但短短一個月後佢又宣佈復出，然後到同年12月再次宣佈引退，話覺得於賽車女郎界已經無咩遺憾，所以希望往寫真繼續發展。咁就希望佢未來有更多寫真作品面世，等大家有更多機會欣賞佢副「九頭身纖瘦軟體Body」啦！

IG：nanako_aizawa