「魯蛇」者，Loser也，相傳(Wikipedia話)係由韓國網民所創，近年傳入中、台等地，實際上嘅意思就係「人生輸家」。簡單啲就即係冇錢、冇樣、冇地位、冇家世、連公屋都冇嘅N冇少年。而與之對立嘅就係通稱人生勝利組嘅「高富帥(男)」同「白富美(女)」。

而今次要介紹嘅，就係一個年僅十五歲嘅台灣「白富美」歐陽娜娜。

歐陽龍一家

左起：歐陽妮妮、歐陽娣娣同歐陽娜娜

至於歐陽娜娜本人啦喎，出身之名門(if not豪門)嘅佢自小開始學音樂，主攻大提琴，但同時亦都識彈鋼琴。小學時因為喺音樂比賽獲獎而保送師大附中音樂系，12歲就考入美國著名音樂學府「The Curtis Institute of Music」，成為朗朗師妹(順帶一提，朗朗考入去嘅時候係14歲)、同年第一次進入台北國家音樂廳舉行演奏會，成為有史以來最年輕的獨奏手。而且由嗰年開始，每年生日(6月15日)都會舉行巡迴音樂會，近排仲參加埋彭宇晏同崔始源主演嘅電影《破風》。

咁你明白呢份履歷湊埋一齊代表啲咩嗎？人家可是12歲生日就喺演奏廳搞音樂會，你12歲連喺麥當勞搞生日會都冇呀！你話你點同人比呀魯蛇！

即係咁，簡單啲黎講呢個歐陽娜娜就又高又靚又有氣質家底又好仲好人氣嘅「白富美」，我哋呢啲凡人都係自動摺埋二邊啦。咩話，你話你睇到心理好唔平衡？唔緊要，其實佢都唔係完美嘅，至少佢睇相佢就係胸無四兩肉嘅。

不過如果我覺得一個十五歲嘅小妹妹上圍唔豐滿會令我開心啲，係咪代表我就係純種「魯蛇」呢……？