AV界從來都係「江山自有才人出，一代新人勝舊人」，唔好講幾年前引退嘅女優，就連幾個月前出道嘅女優大家都未必記得清。但每個男人都應該知道，當年，有個飯島愛。

呢位被譽為「平成御三姬」之一嘅AV女優於1992年出道，一身小麥色皮膚再加一頭金髮嘅反叛形象，與被譽為「超美形少女」嘅淺倉舞、一直標榜「零本番」嘅朝岡實嶺統領當時嘅AV界。更因為於深夜節目《東京情色派》掀起短裙露出丁字褲而被封「丁字褲女王」，亦因此而進入日本演藝圈。之後於2000年推出自傳《柏拉圖式性愛》，大談自己由一個品學兼優嘅學生，因為遇人不淑而被強暴、被迫下海、墮胎、援交等經歷。成為日本暢銷書之餘，連台灣都曾經賣斷市。