越南，真係好多靚女架！繼上次介紹過嘅「拳擊靚女」Kha Ngan之後，近期越南網友又發現另一個靚女，而且今次唔係賣Sporty，係大家都好想要嘅初戀呀！！

之於「期待卻又怕受傷害」呢，其實就唔係淨係講佢，而係所有越南靚女－－因為唔知點解佢哋影出黎啲相全部都好鬼濛，睇落去硬係好似有詐咁……

根據當地媒體報導，當初Vĩnh Như之所以會出名，係因為佢喺facebook fanspage放咗幾張自己著住套疑似睡衣嘅衫喺「阮惠街(Nguyễn Huệ，胡志明市著名商業區)」上面行嘅相，啲相結果比人放咗上討論區，於是就引黎好多男士去Follow佢個專頁。不過由於佢個專頁冇咩個人資料，所以除咗知道佢目前應該喺係胡志明市之外，連佢嘅年紀同工作等都唔知。唯二知道嘅就係佢係DJ Zedd同曼聯嘅粉絲。