欺人「泰」甚有紋身的「茉莉花」

文：MenClub 魏文青　　
POSTED ON 04 Nov 2015

作為一個男人，如果要去其他國家「玩」(你知我講緊「玩」咩架啦?)，又平又靚嘅選擇可能會台灣、日本、馬拉甚至東莞。但根據文青識嘅台灣日本馬拉東莞朋友表示，如果佢哋要搵個又平又靚嘅地方玩，佢哋就只會去泰國！咁你就知泰國先至係男人嘅天堂！事實上自從幾年前出咗個「泰國豆花妹」Newwy Patitta，大家就知道泰國嘅女仔係可以又白又滑，今次文青介紹呢個「茉莉花」亦都唔例外！

其實佢個名係叫「กรรณิการ์ นามวิชา」，不過好明顯文青就唔會識得讀，而全能嘅Google Translate就話個意思(至少其中一截個意思)係「茉莉花」，咁為咗方便起見就用呢個名先。根據佢嘅facebook專頁所講，佢黎自泰國城市「北欖坡(Nakhon Sawan)」，目前喺泰國版「聊聊」上面做網上主播，有時亦會出席酒吧夜場表演。不過令佢個Fb專頁能夠有成28萬Followers嘅主要原因呢，應該係以下呢個嘅。

睇唔睇到呢？係咪好大呢～～～～～佢啲紋身！嗱我相信好多Gents都唔係太鍾意女仔有紋身，好似「茉莉花」咁紋身紋到一身都係就更加係挑戰緊男人嘅容忍程度。之但係大家都知，男人對於其他嘢嘅容忍程度係更低架啦？

講真，人哋個樣真係靚，身材又真係好(不過唔包真係「真」)，啲紋身睇落又唔算太肉酸，大家真係要放開心胸去欣賞下！最重要係既然佢露得出黎見人嘅部份都紋到咁，咁啲唔見得人嘅部份一定係紋得更犀利嘅！有機會真係要仔細研究下－－不過睇黎就輪唔到我哋啦！

唔緊要啦～希望在明天呀嘛！
กรรณิการ์ นามวิชา on Facebook Katay133 on Instagram