DMM新人賞三上悠亞參戰!

文：MenClub 魏文青　　
POSTED ON 22 Feb 2016

如果話上個星期同大家介紹過嘅DMM成人賞「最優秀女優賞」都仲有變數，咁早幾日先公佈嘅「新人賞」就可以話係公開內定、毫無懸念－－好簡單！因為十個候選人入面有個叫三上悠亞！

老老豆豆，呢張名單十個候選新人其實都唔係小嘢－－有Prestige出身、好快就轉會Ideapocket、我心目中嘅「新希志」輝月あんり；同樣黎自Prestige嘅長谷川るい；Moodyz新人伊東ちなみ；Alice Japan新人南まゆ；ナンパJAPAN專屬，以地區歌手之名出道嘅椎名そら；以及來自E-Body嘅三大巨物NAOMI、鈴木真夕同美竹すず，同埋以「SOD職員」身份玩咗好耐、到近期先肯正式出道嘅市川まさみ。不過呢一切一切，喺三上悠亞面前都只係過眼雲煙－－淨係「AKB出身」呢幾隻字，只要佢個樣唔係畀核彈炸過，都贏咗九成啦！更何況三上悠亞嘅身材樣貌以至演出都屬當前業界嘅前列水準？公平咩咁樣？
輝月あんり長谷川るい伊東ちなみ南まゆ椎名そら NAOMI 鈴木真夕美竹すず市川まさみ
其實唔使小欣姐都睇得出，今次三上悠亞參戰，只係DMM嘅宣傳手段之一：首先參賽資格係「2015年出過最少一隻作品」，而三上悠亞喺2015年就係出咗一隻作品咁大把！第二係「藝能人限定」嘅MUTEKI一向都不被當做正統AV片商、連帶佢哋嘅專屬女優(雖然本身就好少，因為多數拍完出道作就會去其他片商正式出道)都唔當係「女優」，更何況三上悠亞嘅出道作仲有「假炮疑雲」，但DMM都照當佢係女優。而且為咗令件事好似唔係好奇怪，仲拖埋前「SOD宣傳部成員」、啱啱先宣佈會正式以AV女優身份出道，但作品都未有嘅市川まさみ落水。咁你話成件事會有幾公平啦？
三上悠亞
DMM Adult Award