2005年出道嘅佐佐木希為咗紀念出道十年，將會喺九月推出個人第八本寫真《かくしごと》，主題係與男友嘅3日2夜旅行(「彼との２泊３日の旅行」)，所以會出現內衣、裸體浸溫泉等場面都係好合理嘅事。另外本書入面仲有成2萬字嘅專訪，佐佐木希亦會講返初出道時嘅苦況，包括每日食100Yen店嘅食物、買衫都係100~200Yen嘅古著，夜晚又唔畀出街，亦唔可以拍拖等。想知道多啲關於佢嘅Fans就唔可以錯過啦！