{ SKIP }
文:MenClub 魏文青  
POSTED ON 20 Feb 2017
近日天氣回暖,陽光普照之時其實頗有春意,如果香港係個會落雪嘅地方,或者依家就係春暖雪消嘅時候。不過今個春天,除咗遍地白雪會離開大家,我們仲要對另一位「雪」講聲再見——佢就是AV女優横山美雪。


或者大家會奇怪:唔係喎,我好耐冇見過佢有新作啦喎,佢唔係引退咗好耐啦咩?的確,横山美雪喺2014年年尾宣佈引退,到2015年3月推出引退作之後就算係「引退」咗,不過佢呢種引退方式只能算係「AV引退」,即係唔拍新作品,但又會喺Blog、社交網站同Fans互動、出席下不同場合甚至攝影會等等,不過佢上個星期就喺Blog到宣佈正式,由2月19日起刪除所有社交網站帳號,正式回歸做一個平凡人。


横山美雪於2008年於kawaii*出道,係少數有高學歷(某大學法律系肄業)嘅女優,英文亦相當唔錯。出道之後憑住冶豔外貌站穩陣腳,後來更加由kawaii*「升級」到同屬北都嘅「Ideapocket」,與當時AV界另一位阿雪「美雪ありす」成為一時瑜亮。不過真正令人驚訝嘅唔係佢喺AV界嘅成績,而係佢拍AV,拍到會成為自己經理人公司嘅股東之一,所以就算公司「Funit」係會將女優推去拍無碼片,佢自己依然係倖免於難。而且佢仲有指甲美容同酒吧等幾項副業,生活都唔成問題。


至於點解要突然「完全引退」,横山美雪本人就冇解釋,不過台灣嘅「劍大」就推測佢可能係要展開下一階段嘅生活,所以先要同建立咗八年嘅女優身份告別——簡單啲,即係佢可能要嫁人啦!既然係咁,我哋就祝福佢生活愉快、美雪幸福啦!




喺以外表及身材行先嘅日本寫真界(甚至整個娛樂圈都係啦),女性嘅黃金年齡大都坐落於「十零歲到三十零數」之間,過咗呢個年齡段嘅唔係成功轉型,就係選擇引退做返個平凡人。不過今晚要介紹呢位「石岡 真衣」,就係 ...
girls
【深夜】曾加入「借錢女團」及「惠比壽」 解散後「石岡真衣」回歸寫真依然有市場
25 Aug 2025
如果有留意日本體育新聞,或者會見過「一軍」、「二軍」呢類字眼,其實就即係講緊團體內嘅序列高低,當中以「一軍」為最高,即係隊伍中實力最勁、最重要嘅成員。而今晚要同大家介紹呢位「高橋かの」,就有個朵叫做「 ...
girls
【深夜】今天、明天也喜歡你 戀綜出身超一軍女子「高橋かの」
25 Aug 2025