提到「賽馬」、「馬場」等等字眼，各位是咪同Mean娜一樣，個腦浮晒一班賭徒喺度「上上上上！」同埋「2號2號2號！」嘅畫面……？雖然賽馬本來係由英國傳來香港，一項歷史悠久又高尚的運動之一，但後來慢慢演變成同賭博畫上等號，令賽馬運動似乎變得不再純潔，甚至覺得睇馬賽(唔是TBB嗰個)係一種不良嗜好，入馬埸睇馬直頭係病態賭徒。

但其實賽馬本質依舊冇變，依舊是值得尊重的運動，而且馬埸笨唔係大眾所想嘅烏煙瘴氣地方，相反，仲好有文化氣息。受到香港賽馬會的邀請，Mean娜第一次踏進跑馬地馬場，參加「快活谷啤酒節」（Oktoberfest）。同想像中的馬場非常不同（我知！正常唔會有Decoration吖嘛！），Mean娜本以為香港的馬迷都係好似公園裡棟起隻腳坐嘅麻甩叔叔伯伯般的樣子，但來到現場，看見不少馬迷都是四四正正的年青人，場內亦有許多外國人，雖然部分人是為啤酒節而來，但有得一邊睇馬一邊飲酒，氣氛確是炒熱了不少。

是次「快活谷啤酒節」分別於10月22日、29日及11月12日晚上舉行，場內有不少美食攤位及啤酒攤位

燒豬膝配酸椰菜

扒德國什香腸配酸椰菜

啤酒汁浸藍青口

德國燴肉丸配忌廉薯蓉

價錢唔貴而已味道唔錯～各位可以來到先食晚飯都冇問題。同時是次嘉年華亦有多達11個啤酒品牌支持，分別有盧雲堡、生力、Hoegaarden、青島、Stella、麒麟、喜力、Paulaner、嘉士伯、Erdinger、Kronenbourg1664。如果覺得一杯杯咁飲唔夠喉，可以直接買一Jar咁隊都得～！

但Mean娜發覺，原來啤酒節仲有一樣好重要嘅賣點冇話畀人聽，係咩嚟？你睇吓攝影師大部分嘅鏡頭係影咩咪知重點囉！男人！