Mean娜成日都介紹你哋食西餐乜乜乜，今次一於轉吓口味，都係食外國嘢(哈哈)，但就加添一點熱帶風情，嚟個墨西哥快餐！

雖然香港乜乜乜都有得食，之但係墨西哥美食就真係買少見少。而且喺香港有嘅墨西哥食店，一係就好高級食唔起，一係就好簡陋唔敢食，冇一啲大眾化嘅中間位畀人選擇。但呢期就有間墨西哥快餐店喺香港密密開，又威靈頓街又蘭桂坊又皇后大道東又太古坊又永樂街又盧押道，「Cali – Mex」墨西哥快餐店一時之間喺香港遍地開花。

「Cali – Mex」字面解做「加洲」同「墨西哥」。墨西哥菜喺美國相當流行，不少美國人都會去墨西哥餐廳用餐。因此，「Cali – Mex」融合加洲風情，牆上有不少椰子樹的彩繪，增添氣氛。

雖然「Cali – Mex」係一間快餐點，但所用採料都係靚嘢，一啲都唔馬虎，包括澳洲頂級牛肉及雞肉、紐西蘭魚和海鮮、美國豬肉等等；蔬菜方面則用香港本土的新鮮蔬菜，而且全部新鮮處理，由Tortillas 薄餅到所有醬料和配菜，如香草番茄沙律 Pico de gallo、牛油果醬Guacamole 和蕃茄 Salsa 等等都是自家製作，並無添加。而正宗嘅墨西哥菜多以辣椒和蕃茄主打，味道有甜、辣和酸等，而醬汁九成以上係辣椒同蕃茄調製而成。

呢度有7種食物選擇——墨西哥Burritos捲餅、大碗捲餅、軟熟 Taco 粟米餅、香脆Tacos 粟米餅、Quesadillas餡餅、香脆沙律和原味沙律 ；12 種餡料——包括澳洲牛肉及雞肉、美國豬肩肉、新鮮紐西蘭海鮮，一共84種配搭畀你慢慢揀。Mean娜採訪當日就試咗以下呢幾樣︰

巴哈魚軟身玉米餅

新鮮紐西蘭魚柳以青檸、辣椒和橄欖油醃過後，燒至完美，佐以香草番茄 Pico de gallo、椰菜沙律和 Chipotle 辣椒蛋黃醬。魚柳肉質爽口，非常配合玉米餅。

烤雞脆口玉米餅

用上100%純澳洲雞胸肉，以青檸和橄欖油醃製48小時後 ，在Josper grill上炭燒而成；玉米餅內夾滿生菜、蕃茄碎粒、芝士以及酸忌廉。而經炸過的玉米餅香脆可口，卻毫不油膩。

辣手撕豬肉墨西哥薄餅

12吋墨西哥薄餅用玉米麵粉製成，可以For兩個人食。薄餅內夾滿芝士、碎蕃茄粒、及豬肩肉。來自美國嘅豬肩肉經醃製24小時，以蘋果木煙燻，再澆以Chipotle辣椒燒烤醬。而薄餅面層亦有酸忌廉及牛油果醬令味道更豐富。

威尼斯沙灘素菜脆皮殼沙律

威尼斯沙灘素菜是大豆雞肉絲和蔬菜以橄欖油和蒜頭炒過後，澆上菠蘿和獨特的 Taco 醬，配上豆腐忌廉芝士和大豆芝士，弄成像素雞素鵝等仿素食品。沙律內容及醬汁同樣是生菜、蕃茄碎粒、芝士以及酸忌廉等等，另加上墨西哥酸醋沙律汁。

烤牛肉捲餅

西班牙炸油條

即叫即炸，非常辣手脆酥，沾滿砂糖和肉桂的空心炸油條，配上朱古力醬，非常適合當作小吃。

「Cali-Mex 」更提供獨家墨西哥新鮮果味汽水 JarritosJarritos，口味包括番西榴、芒果、青檸、菠蘿和柑，不過味道偏甜，怕甜的人可以選擇青檸口味。

地址︰灣仔皇后大道東25號

電話︰2325 3005

營業時間︰星期一至日: 11:00-23:00

價錢︰$101-$200

網址︰https://www.facebook.com/calimexhk