不過要食韓國嘢，又唔一定要飛去韓國嘅。韓風喺香港大行其道，周街都有韓國嘢食，自從《來自星星的你》彈出大熱炸雞啤酒，炸雞喺香港風頭一時無兩。其實韓國除咗炸雞，都有好多乜鬼元祖奶奶雞大受歡迎，鍾意韓食嘅你，真係不容錯過呢種韓式燉雞。

「辛安東元祖奶奶雞」嘅老闆Kenny11年時去韓國旅行，第一次嚐刊韓國燉雞，覺得非常好味，萌生開店念頭。Kenny不惜16次拜訪各個安東雞店，最終用誠意成功打動店家，於韓國當地學廚，直至學有所成，就返香港開第一家韓國安東雞店。

巴馬火腿水冷土蕃茄

原隻蕃茄非常新鮮，啖啖Juicy。巴馬火腰增添味道層次，令沙律不會太清淡單調，配上酸甜的醬汁，頗為開胃。

海鮮墨水炒飯

炒飯有濃濃海鮮味，飯粒煙煙韌韌，口感一流又飽肚。

辛安東元祖奶奶雞全隻（小辛）

這裡的奶奶雞有分無辛、小辛、中辛和激辛；半隻和全隻；有蠔和無蠔。由於即叫即煮的關係，奶奶雞要等約20分鐘才到，想食嘅朋友，畀多少少耐性吧。

地獄薄餅

一客四片，薄餅外皮香脆，內裡是豬肉碎和辣油，越吃越覺辣。薄餅上加了很多芝士粉和沙律醬，惹味又過癮。

真露煮蜆

真露酒香清醇，加入煮成湯後酒氣稍稍蒸發，保持微微香氣又唔會太嗆。蜆份量非常足夠，而且鮮甜味美。