「華星冰室」呢間明星茶餐廳，大把人聽過佢個朵，佢勁就勁在唔只有名氣，仲有實力。根劇萬能嘅維基大神描述︰「『華星冰室』是位於香港灣仔克街6號廣生行大廈地下B1號舖的一家著名冰室，及後於旺角及筲箕灣開設分店。招牌菜是黑松露炒蛋多士。」其炒蛋甚至可以同「澳牛」嘅齊名，可見「華星冰室」確係有啲料子。

突然介紹華星，當然唔係翻炒佢哋嘅舊菜咁Hea底！心水清嘅Gentlemen應該都知道華星呢期越古穿今，橫行現代不突止，仲要玩轉古代，開間「華星客棧」！

甫一坐下，著晒古裝嘅店小二就遞上客棧秘笈。乜料？！食個飯都要過五關斬六將？老娘冇奶力喎！

講多無謂，即刻試吓招牌菜︰

化骨綿掌 鴛鴦燸米釀雞翼

用人手起骨，先炒燸米再釀雞翼，然後風乾八小時，最後炸至金黃香脆。內餡除了白糯米、紫糯米，還有金華火腿、冬菇、瑤柱等材料。

如來神掌 萬佛朝宗 杏汁燉白肺湯

原盅燉湯，用上龍王杏，杏味濃郁；豬肺瘦肉軟稔無渣，更有白菓平衡杏味。

降龍十八炒 九層塔炒清真牛肉

清真牛肉除了經過唸經過程，宰殺方法亦與一般牛肉不同。快速屠宰牛隻，令其血液蘊藏較少毒素之餘亦較為鮮甜。由於「華星客棧」老闆是回教人，所以店內所有牛肉均用清真牛肉。店內亦有專為回教人而設的菜式，並有特設不沾豬油的鑊，設想周到。

醋香豬扒

混合不同中國醋，酸酸甜甜非常開胃。難得的是豬扒非常鬆軟，絕不難咬，而且醋味濃稠入味，十分不錯。

脆麻花

大廚Eric為小儀而創的甜品，脆麻花口感味道與蛋卷有幾分相似，但質感及味道天為輕盈，加上滿滿的椰絲，增添味道層次。