傳說，情人節係一個女生向男生表白嘅日子，女生會為所愛嘅男生準備禮物，製作愛心朱古力。不過喺今時今日嘅香港，呢一切都成為傳說。現在嘅情人節，係男生為愛侶送禮嘅節日，朱古力當然係必備item，不過係你送畀女友嘅必備之選囉。

唔識整朱古力？唔緊要，錢可以解決嘅問題就唔係問題。買朱古力話冇新意？都唔緊要，因為Menclub會幫你解決問題。

Brownie一向都係女生心目中最愛甜品之一，但平日嘅Brownie又點能見情人節呢啲大場面？喺情人節呢個充滿熊熊愛火嘅節日，Brownie都要火熱登場先夠威！

位於觀塘嘅「Coffee Art」舖面雖小，但散發著寧靜平和氣氛，令人感覺寫意自在。開放式門口令地方寬闊一點，右邊是吧枱配一張黃色及紅色的高膠椅子；左邊是二人及四人桌子。

鐵板焦糖朱古力班尼

凍上的焦糖朱古力班尼放了不少果仁，平衡了朱古力的味道。店主先將放在鐵板上的香蕉燒成焦糖脆面，再放上班尼和一大球雲尼拿雪糕。然後再於鐵板內淋上75%朱古力醬，班尼立刻冒煙並發出「渣渣」聲，是廂覺與聽覺的享受。

麻糬窩夫芭菲

以玻璃杯盛載的麻糬窩夫芭菲賣相極之吸引，即叫即焗的窩夫，外層烤至金黃香脆，內裏鬆軟。自家打製的秘製吉士極之幼滑，味道輕甜而沒有很重奶油味；吉士上放了粒粒脆口的黑白朱古力脆粒，加添一份口感。兩款不同口味的方形麻糬清香微甘，Q彈中帶柔軟。

3D Latte

最後更可點一杯可愛的3D貓貓Latte作結。