雖然話餐廳逐步重開，但礙於每檯都人數限制，想好似以前咁一大班Friend圍埋食餐飯，大部份人都會選擇去朋友屋企煮飯仔、買料打邊爐、再唔係就叫外賣。而Feather & Bone就推出全新烤肉套餐，煮好送到你屋企，Un住腳就有得食！

呢個烤肉套餐總共提供兩款肉，包括充滿牛酒香嘅香嫩慢煮帶骨肉眼牛扒 (HK$2,480)以及多汁軟嫩嘅香烤和牛臀肉(HK$1,980)，兩款肉再配十個約克郡布丁、一份辣根英式忌廉、兩份香滑薯仔千層批和孜然香烤紅蘿蔔，足夠4-6個人食。最重要嘅係佢係由餐廳完全煮好，再保住溫咁送去你到，即係你坐喺到Un住腳等佢到黎到就有得食，慳返好多心機時間。

除咗以上嘅套餐，你亦可以選擇自選配菜，當中包括香滑薯蓉、大蒜及百里香烤大啡菇、沙律、甜品等。全部都係多人份量，開Party就真係好適合不過。

但要留意嘅係，所有訂單都必須於5日前進行預定，而且每日下午3點就截單。有興趣嘅就去返官網自行研究啦下。