曾幾何時，意大利松露，不論黑定白，都係高級西餐廳中先會出現，後來出現人工培植嘅黑松露，依家連茶餐廳都食到啦。但另一邊廂，由於白松露依然保持野生採摘方式，靠松露獵人 (Trifulau) 及經驗老到的獵犬於自然環境中搜尋。而香港餐廳最近亦推出意大利Alba白松露菜單，以傳統意菜演繹「白鑽石」嘅「味」力。

Alba白松露菜單 (四道菜HK$1,580/位、7道菜HK$1,980/位) 用上意大利北部皮埃蒙特Langhe 山區Alba的頂級白松露，第一道菜為以茴香籽及紅菜頭汁醃至入味的日本吞拿魚，加上上香草汁及紅菜頭烏魚子的「火焰吞拿魚Tonno Rosso」；而「Uovo di Montagna」就係將來自意大利Dolomite山區有機雞蛋嘅蛋白打到起泡，再以攝氏90度蒸熟，最後放返個生蛋黃上去。

以椰菜濃湯配包住牛肉、Grana Padano芝士和皮埃蒙特榛子的意大利小雲吞嘅「Brodo “Au Plin”」係皮埃蒙特經典冬季食物；「Tagliarin al Tartufo Bianco d’Alba」就係皮埃蒙特牛油拌餐廳自家製作的手工扁意粉再加上白松露片

去到海鮮，「Astice blu Mare」用上來自布列塔尼的藍龍蝦，先與牛油真空慢煮，再配紫椰菜、韮蔥忌廉和煙燻薯仔，當然亦唔少得白松露；主菜Fassona 選用皮埃蒙特Fassona牛胸，再與大黃、蘑菇汁、燉野生白洋蔥和Fontina芝士一同製成牛肉凍。

最後嘅甜品，除咗有「Castellana傳統意大利Turin朱古力」之外，亦可加錢轉「經典皮埃蒙特芝士」

Castellana Hong Kong

地址：香港銅鑼灣開平道1號Cubus 10樓

電話：3188 5028

營業時間：下午12時至2時30分、晚上6時至10時30分 (週一至週六)