香港人有話冬大過年，美國嘅感恩節重要程度大概就同香港人冬至差唔多 (大概啦下)，傳統上除咗火雞之外，BBQ亦係感恩節必備環節之一。如果你想喺香港都可以感受一下傳統美國感恩節嘅風味，就要留意下中環SMOKE & BARREL推出嘅「美式燒烤感恩節晚餐」啦。

之所以話SMOKE & BARREL能夠提供正宗美國風味，唔單單係菜單設計，而係因為店內擁有本港獨一無二，來自美國密蘇里州嘅柴火煙燻爐「The Beast」，集慢煮與低溫烹調技術於一身，燒製出黎嘅食物帶有德薩斯州傳統燒烤特有嘅山核桃木香氣。而11月26及27日更會推出期間限定嘅「美式燒烤感恩節晚餐」(HK$488/位 + 10%)。當中包括前菜「牛腩他他」或「煙燻水牛芝士沙律」，主菜「煙燻火雞」或「烤鯰魚」或「煙燻本地南瓜」。另外亦有薯蓉、椰菜苗及柚子醋等配菜及蘋果金寶、新奧爾良法式炸麵包等配菜及甜品。

另外SMOKE & BARREL亦會於11月28及29兩日提供「感恩節美式燒烤週末早午餐」(HK$388/位 + 10%)，11月26日及12月26日亦會推出夠六至八人享用嘅「感恩節及聖誕節外帶自取套餐」(HK$1,888)，仲送美國山核桃批和香檳一瓶。無論大家係出街食定喺屋企食都可以試到美國傳統風味啦。

Smoke & Barrel 

地址：香港中環雲咸街32號雲咸大廈1/F至2/F

電話：+852 2866 2120