相信因為疫情，大家都已經非常餓去旅行，特別係日本，但無奈為左自己、家人及市民健康真係要盡量留在家。不過，我哋都明白你嘅痛苦，所以今次特別為大家介紹一家黎自日本東京嘅過江龍一人燒肉專門店「燒肉LIKE」，佢地首間香港分店已經落戶沙田並正式開業。

「燒肉LIKE」喺全亞洲已經擁有超過50間分店，主打「美味、快捷、超值」的嘅一人燒肉體驗，多款燒肉套餐供客人選擇，同時可以自行任意加配食品，極具彈性。而因應疫情關係，店舖使用「無接觸式」點餐模式，客人只需要用手機App一掃，就可以自助手機落單，食品隨後就會按客人需要直接奉上。

講番「燒肉LIKE」嘅套餐，有平有貴，牛豬雞肉要有嘅都有，當然牛肉就梗係主打啦，其中全場最吸引嘅當然就係和牛扒套餐，只需要百幾蚊就可以燒到黎自澳洲嘅美味和牛扒，簡單一燒就可以嫩滑入口。

另外店舖主打套餐「LIKE套餐」，包含三款肉品: 牛舌、胸腹肉、櫃橫隔膜肉，每一款都具獨特口感，但同樣嫩滑、爽口，食完絕對會大滿足。

而燒肉又點可以少得醬汁嘅點綴，店舖就提供左8款調味料，比你可以自由調配，發揮燒肉嘅最大美味。