廚神失驚無神嚟香港做咩呢？

原來Jamie Oliver的意大利餐廳Jamie's Italian，自從去年於香港銅鑼灣金朝陽中心二期Midtown落戶，就一直大受香港人歡迎，所以廚神特意嚟香港，就係為為第二間香港分店籌謀。

新店將於今年5月，喺尖沙咀海港城（海洋中心4樓412號舖）開業，男士們以後又多個地方食住等女朋友買衫。

新店貫徹Jamie's Italian特色，主餐牌繼續提供受歡迎菜式，例如鮮蟹肉意粉、墨魚汁意粉、松露意粉等，亦推出龍蝦及招牌薄餅等全新菜式。

佢又指未來會繼續提倡天然食材同埋素食，並同本地學校合作，推廣均衡飲食教育，希望小朋友食得健康。