蛋都唔識煎嘅女仔，Mean娜識唔少，以為佢哋男友廚藝好叻，有人煮埋餵埋啦，點知兩個都係「一擔擔」。

問番呢類情侶點解咁無助，原來女仔話打蛋麻煩喎，話唔識用力喎，一亨落隻鑊邊，殼都爆埋，爆漿爆到面又有，手又有，喺啲手指黐笠笠，又話好腥！咁不如學吓呢期日本網上幾hit嘅「急凍蛋」，蛋都唔使打，一啪就得，仲可以熱食同凍食。

急凍後蛋味更濃

日本人將生雞蛋打喺白飯，加啲醬油撈埋直接啪，好平常，尤其是啲從事體力勞動同經常需要體能訓練嘅日本男人。既然蛋就成日吔，不如玩吓嘢，預先將新鮮雞蛋放入冰格。

咁點解好地地要將蛋放入冰格？當然唔係單純貪得意，而係放入冰格24小時至48小時後，蛋味會變得濃郁，聽落好似有啲道理，咁就要試試。

聞說急凍蛋的由來，源於有網民唔想浪費過賞味期限將至的雞蛋，於是放入冰格，希望保存得耐啲（心理上）。

日本網友Masuo親身實驗，拍攝咗約5分鐘的短片，話畀大家知，急凍蛋究竟係乜。

1.首先，將雞蛋放入冰格雪一晚，變成急凍蛋， 由於雞蛋裡的水分結冰、體積膨脹，蛋殼自然破裂。不過，蛋衣有延展性，能夠有限度抵受膨脹，蛋汁因而未至外洩。

（貼士：放蛋時，最好似器具盛載，否則顏射到冰格成面都係就唔好。） 

先試熱食急凍蛋

1.將切開的冷凍蛋放上平底鑊，加一至兩湯匙水，做成水煮荷包蛋。

2.蛋的下半部開始慢慢熟，上半部蛋黃仲維持冷凍狀態。

輪到凍食急凍蛋

將雞蛋放在冰格約60分鐘，由於時間尚短，生雞蛋還未變成半固態。

然後就照平時生雞蛋拌飯咁，將雞蛋剝殼，倒在白飯上。 

3.細心觀察，會發現即使雞蛋在熱飯上回暖，但蛋黃依然呈圓球狀。

原因係：蛋冷凍的60分鐘，蛋黃水分會減少約10%，並與蛋白結合。口感方面，食落似半熟蛋，好特別。

如果接受到食生蛋，仲有另一種方法食急凍蛋，就係醃漬蛋黃。

做法好簡單，先將生雞蛋急凍一晚，溶解後取出已凝固的蛋黃，將蛋黃浸泡在一大匙醬油，另外再加一大匙紹興酒（或米酒），然後醃漬，大約3小時左右就可以食得。

米話我自私收埋啲秘技嘞！醃漬後嘅蛋黃用嚟點打邊爐嘅肥牛或羊肉，都好鬼正㗎！

咁你一於今晚同Honey研究吓點玩蛋蛋啦！