網路上成日都流傳古靈精怪的食譜，繼之前咩咖啡煮飯、Oreo粥之外，今次又有新搞作。

夏天天氣咁熱，絕對係食雪糕的最佳時節。不過而家乜都加價，雪糕都冇以前咁平，高級少少嘅雪糕，甚至可以去到四五十蚊一杯，仲貴過餐飯。究竟有咩方法可以將平價雪糕變高級，用蔗渣價錢食到燒鵝味道？方法就係……睇吓Twitter班網民點教你啦！

Twitter班網民就話，原來只要喺雪糕上加橄欖油再加鹽，就可以令雪糕變高級。真係信不信由你。

至於食落味道如何？唔少做過實驗嘅網友都話，呢種食法會令原來好普通的雲呢拿雪糕瞬間變高級，甚至係好似意式雪糕咁有清爽口感。

明明加咗橄欖油，但竟然唔會覺得油膩，反而變成清爽口感，超神奇囉！！