超薄嘅 Oreo餅乾今日就正式喺美國上市。未上市之前，已經有唔少美國網友熱烈討論呢隻新嘅Oreo究竟係點，一齊睇吓先！

呢個就係美國版嘅糖薄Oreo包裝

比較一：外觀

既然係超薄款，厚度方面當然會有所不同，不過原來連寬度都唔同咗。超薄款雖然變薄，但同時都變大塊咗少少。

比較二：夾心

超薄款嘅Oreo夾心的確比較少，有美國網友就話，唔知道喺餅乾同夾心都一齊變薄的情況下，食落會唔會仲係咁甜？後來有網友表示，其實真係會冇咁甜。

比較三：浸牛奶

Oreo主打浸牛奶食，依照常理，應該厚嘅要浸耐啲先會軟，但估唔到，網友實驗過後，傳統 Oreo 需要浸 19 秒先變軟，但超薄Oreo就要浸 37 秒先會變軟。