炎炎夏日的確會令人冇晒胃口，究竟有咩開胃前菜，可以提升食慾之餘又食得健康呢？

主打京、川、滬小炒、點心及蘭州拉麵嘅翡翠拉麵小籠包就推出新款前菜，以天地五行為藍本，當中包括︰金、木、水、火、土，分別代表著人體五臟，即心、肝、脾、肺、腎，製作出五色前菜，滋潤身體機能。

五款五色前菜以白、青、黑、紅、黃等顏色作賣點，一齊參考下呢系列養生前菜，叫老媽子都試煮兩味丫！

紅色︰酸甜車厘茄
紅色屬於五行中嘅火以及五臟中嘅心。由於車厘茄熱量低，而且含多種豐富維他命、礦物質及茄紅素，除咗可以抗氧化，仲可以幫助夏天消暑。
大廚先將車厘茄逐粒去皮，然後淋上秘製酸啫喱粒及糖粉，酸甜味道平衡融和，令車厘茄嘅清新味道更加突出。