尋日先同大家介紹完蛋包飯壽司，今日Mean娜又發現有新壽司挑戰明將！邊個咁大膽？就係日本岡山縣非常出名嘅人氣迴轉壽司店「いわ栄」推出嘅限定壽司～「ソフト寿司～ム」！睇唔明日文？咁翻譯埋你知啦，就係雪糕壽司！

不過～雪糕壽司呢個名原來都係啲Gimmick嘢，其實所謂雪糕壽司，只係將醋飯、吞拿魚、粟米粒同蟹肉棒混和後，放喺雪糕筒裡面，最後淋上沙律醬，就會好似雪糕咁。