香港沙嗲王最近畀寵物小精靈入侵，推出極可愛的比卡超咖哩豬扒飯，不過原來個飯都唔係最矚目，大家留意嘅，都係代表水系嘅藍咖哩！咁奇怪嘅顏色，係咪真係食得落肚？！

當然食得！日本都成日推出奇怪咖哩！就好似最近新推出嘅綠色史萊姆咖哩咁，真係見到都......唔敢食。

咩係史萊姆？史萊姆其實係一種電子遊戲中時常出現嘅虛構生物，可以變成黏稠液體，又或者半固體嘅啫喱狀。

其實早前都推出過藍綠色嘅史萊姆咖哩，聽講如果克服視覺恐懼，其實味道都唔差。

好，睇完都係覺得唔好味。

講返新出嘅綠色史萊姆咖哩，這個彷彿加入綠色顏料的咖哩，包裝上面寫著「消毒味」真係好令人好奇。但事實上，佢應該係有好多蔬菜，再加雞肉嘅咖哩，而且會有少少辣。預計8月左右就開始發售，有興趣嘅朋友，睇吓有冇機會喺日本買個試下？