宵夜呢家嘢，真係唔肥都唔想食。繼之前Mean娜介紹過幾樣邪惡宵夜後，今日又有新炸物登場！登登登凳！就係（又）好容易整嘅意粉薯條！究竟咩係意粉薯條？將意粉塞落薯條定搵意粉包住薯條？都唔係，睇過你咪知囉～

其實意粉薯條係網友分享嘅一道小食，簡單咁講，就係炸意粉。

材料好簡單︰

意粉
油
麵粉
蛋
麵包粉

步驟︰

先將意粉煮熟，然後每 6－7條意粉就稍微扭轉捲一下（好似下圖咁），然後將意粉攤凍，冇咁熱嘅時候就可以繼續後面嘅步驟。

等意粉攤凍後，就拎一份意粉捲起，依次序喺意粉外層包上麵粉、蛋漿和麵包粉，最後就準備將佢放入鍋裡面炸，等油嘅溫度大約喺 190 度左右，就可以將麵條放入去炸一分鐘。

網友話只要跟住呢個步驟去做，意粉外層就會炸得好酥脆，而裡意就會好軟稔，非常好食。