唔少人都鍾意食半熟蛋，即係所謂流心蛋或者溫泉蛋。雖然煮粒蛋睇落好似好簡單，但要煮到啱啱好流心，就唔容易，因為雞蛋實在太易熟，就算多一分鐘，佢都會成個質地唔同晒。

為咗煮出好嘅半熟蛋，日本《Data-Artist》網站就推出半熟蛋熟成計算模擬器，只要按照步驟設定雞蛋本來嘅溫度、蛋嘅大小、料理場所嘅高度，按下開始，系統就會呈現出各種時間下嘅半熟蛋樣貌，等你可以按照個人喜好咁去烹煮。