全世界都咁受歡迎嘅可口可樂一向都好多都市傳聞，例如可以殺精、會溶解牙齒等等……最近又多咗一個傳聞，就係話飲Diet Coke竟然會令人愈來愈肥？

話說近來有一位藥劑師 Niraj Naik公開飲完Diet Coke後嘅身體變化，最後得出嘅結論，就係其實Diet Coke會令人更肥！好多英美媒體都有報導呢件事，一齊睇吓 Niraj Naik嘅論據係咩？

Niraj Naik做咗個實驗，就係飲完Diet Coke之後1小時內，身體會有咩反應。

飲完Diet Coke後10 分鐘
Diet Coke裡面嘅磷酸會侵蝕牙齒琺瑯質，而因為加咗阿斯巴甜呢種人造甜味劑，所以我們嘅身體會誤以為自己剛剛處理過糖份，開始釋放大量胰島素。

飲完Diet Coke後20 分鐘
胰島素出現之後，身體儲存脂肪嘅機能就開始啟動，但因為阿斯巴甜呢種代糖其實不含糖份，所以細胞因為誤會而將血糖都帶走，反而會出現血糖過低嘅情況，呢個時候，大腦就會幫我哋補充糖分。

飲完Diet Coke後40 分鐘
由於咖啡因同阿斯巴甜觸發大腦控制快感嘅中樞，所以開始產生令我哋上癮嘅反應。

飲完Diet Coke後 60 分鐘
呢個時候，我哋體內嘅養份同礦物質已被消耗，所以反而覺得疲倦甚至脫水，再加上血糖低，大腦就不停話畀我哋知，要補充高糖分同埋高熱量食物，結果會令飲Diet Coke嘅人更想食嘢而變肥。

唔知咁又算唔算默認呢？