當然，40多年來，丹麥餅店又點會無風無雨？同大部分香港老店一樣，呢間老字號都面臨過結業危機。隨著香港租金愈來愈貴，唔少店舖都抵受不了昂貴租金，只能夠選擇關門大吉又或者搬遷。早兩年丹麥餅店都因為新業主加租一倍的關係，令唔少人擔心佢會步其他老店後塵，要同市民講再見。當時消息一出，唔少人都蜂擁而至為丹麥餅店撐場，特別係一眾波友，同丹麥餅店結伴成長，點捨得輕易同佢說再見？可幸的是，丹麥餅店到今時今日依然健在，大家仲可以繼續睇足球食炸髀。

歷盡風霜嘅丹麥餅店，經過歲月的洗禮，更顯老店味道。六、七十年代嘅簡單裝潢、前店舖後嘅傳統工場運作模式、由右至左讀出嘅店名招牌……都讓人有種時光倒流的感覺。

豬扒飽 $17
豬排炸得好酥好香口，麵包底層抹上蕃茄醬，再連同特製的沙律醬一同入口，酸酸甜甜亦夠Juicy。