而家香港人咁好韓式食品，咁你又知唔知，其實韓國嘅中秋節係食啲咩架呢？香港人就慣性食月餅，而韓國人呢，就係食……下圖呢樣嘢喇！

咩話？白切雞？？仲要咁Mini Size兼睇落成粒芋圓咁？究竟係咩品種-口-？！

其實呢種韓國傳統中秋食品叫松糕，係一種半透明，好有咬口嘅食物。每逢中秋節，韓國人自然會諗起松糕，就好似香港人中秋要食月餅咁。不過，呢個白切雞形嘅松糕只係網民嘅創意作品，傳統松糕並唔係呢個樣嘅。