飲得落肚的超夢幻銀河酒

文：MenClub Mean娜　　圖：互聯網
POSTED ON 12 Oct 2015

喺呢個乜都講求包裝嘅社會，除咗產品要包裝、人要包裝，食物飲品都要包裝，淨係好味係唔夠架，仲要夠靚夠精美先吸引到人。最近有隻「銀河酒」非常流行，男男女女都熱捧。「銀河酒」之所以咁Hit，並唔係因為佢特別好飲，而係因為佢特別靚，好似將成個銀河濃縮做酒，裝落個樽裡面咁！

呢款VINIQ「銀河酒」又稱為星空酒，事實上，呢款酒出咗好一段時間，不過仲有好多人對佢為之瘋狂！你睇！杯入面有個宇宙呀！！

「銀河酒」靚就靚，但其實係咩味呢？其實「銀河酒」都係水果口味，亦即係Vodka加果汁，酒精濃度大約20%。味道方面，左邊紫色嘅「銀河酒」係提子口味，而右邊紅色嘅「銀河酒」係紅梅口味。

另外橙色嘅「銀河酒」就係水蜜桃口味。

無論邊隻口味嘅銀河酒都有星空效果，不過當中都係提子口味嘅銀河酒效果最靚，淨係郁下個樽身都已經見到閃令令嘅酒，真係超吸引呀！