食得即食麵嘅，都係死懶鬼架喇，如果唔係懶，就不如正正經經去煮餐飯食啦。即食麵基本上可以分杯麵同公仔麵兩種，前者雖然好方便，食完碗都唔使洗就成個丟得，但係都有唔少人只鍾情公仔麵。不過比起杯麵，公仔麵嘅善後過程就麻煩得多，又要洗煲又要洗碗，所以有啲人為咗洗少隻碗，寧願直接用個煲食！喂！講個好消息你聽，而家你想食公仔麵的話，連煲都可以慳返唔使洗喇！因為原來韓國係有隻袋裝公仔麵，啱晒你同我呢啲懶人用啦！！