冰火新食法雪米糍Pizza

文：MenClub Mean娜　　圖：互聯網
POSTED ON 03 Nov 2015

熱辣辣嘅夏天食凍冰冰嘅雪糕固然係爽，不過天氣轉涼，都唔代表唔可以食雪糕。Mean娜就覺得秋冬食雪糕都別有一番風味，就係可以(涼)爽上加爽(皮)！如果你都係嫌凍，唔歡喜寒天食雪糕，可以考慮下嚟個冰火新食法！最近日本網友之間就流行「雪米糍Pizza」，聽講係一種極易令人上癮嘅美食嚟喎！

「雪米糍Pizza」嘅整法非常簡單，只要喺Pozza餅皮上放上雪米糍同芝士，再放入焗爐焗5分鐘左右就得。

完成品睇落係咪勁吸引呢？！

你仲可以喺上面淋上自己喜歡嘅醬汁。

又或者加上喜歡嘅生果。

網友話甜甜嘅雲呢拿雪糕配上咸咸嘅芝士，原來係勁Match，一食就會上癮！

嫌麻煩唔想整Pizza，你都可以用多士嚟代替，味道一樣咁正！