話明湯麵湯麵，一啖食齊湯同麵先係皇道！不過一般用叉或者筷子食湯麵，都淨係食到麵，頂多有少少湯汁掛喺麵度，想飲埋啖湯，就要食完啖麵再用匙羹先飲到，有時都覺得幾不爽，好想大啖大啖湯連麵一齊食落肚！

原來日本都有人同Mean娜一樣諗法，於是有人發明咗樣特別嘅餐具，專For食湯麵時用！嗱嗱嗱！就係下圖呢個～又有叉又有匙羹嘅叉叉湯匙喇！

呢個叉叉湯匙係一間以日本中部為主嘅連鎖拉麵店「スガキヤ（Sugakiya）」所開發嘅餐具，雖然喺愛知縣一帶好出名，但原來日本其他地方嘅人都唔知道呢個餐具，所以有網民將呢套餐具放上網時，突然引起一陣哄動，大家都好好奇，呢個又叉又匙羹嘅餐具究竟點用呢？！