Pizza嘅口味層出不窮，不過好多時都係喺toppings上做出變化，好少有咩大突破。估唔到外國就有餐廳直接將Pizza拎去炸，變成極邪惡料理「油炸Pizza」！

呢間外國餐廳其實就係位於紐約曼克頓嘅日式居酒屋「Sake Bar Hagi」，唔好以為「油炸Pizza」係咩新搞作，其中一位喺「Sake Bar Hagi」做咗13年嘅員工話，油炸Pizza仲早過佢出現喺呢間餐廳裡面，唔係新嘢喇，而且事實上，Pizza嘅產地意大利好耐以前已經有油炸Pizza嘅食法，只係冇咩人知道啫。