日本千葉縣新品湧出來的咖喱厚多士

文：MenClub Mean娜　　圖：互聯網
POSTED ON 28 Apr 2016

厚多士裡面唔一定要放雪糕、棉花糖、威化餅等等甜食，其實轉轉口味，放入甜甜辣辣嘅日式咖哩，原來一樣咁Match！就咁樣睇呢個咖哩厚多士個樣，係就係唔多討好，甚至可能令你第一時間諗起……肚痛時會見到嗰啲呢？不過凡事都唔可以睇外表，雖然呢個咖哩厚多士睇落唔多靚仔，但聽聞就好好食，令人口水係咁滴！

呢款咖喱厚多士出自日本千葉縣「呂久呂」餐廳，佢嘅材料好簡單，只要大約600g厚多士，加上好多咖喱汁，咁就搞掂。

雖然材料同做法都太複雜，但老闆就好有心整左個說明書出黎，過幾招畀大家。

首先，將厚多士切成一粒粒一口多士，淨返個皮。然後將啲一口多士Push Push Push 塞晒落個底度，再倒入滿滿嘅咖喱汁。


然後當你一野叉落去舊多士度再拎上黎，就會見到佢被濃濃嘅咖喱汁包圍住。建議唔好將啲一口多士浸喺咖喱汁入面太耐，因為你見到啲浸到爛晒嘅多士，你又會諗起……你懂的。淨係得咖喱汁同多士覺太Dry? 唔怕～老闆仲貼心地為你提供追加服務，有芝士、半熟蛋同額外嘅咖喱汁等等。

下次去「呂久呂」餐廳一定提議老闆俾我追加牛腩，等我真係可以大叫「唔該一個咖喱牛腩多呀!」
呂久呂地址：千葉縣千葉市中央區中央3-4-10 營業時間：11:00a.m. – 8:30p.m.
Source︰http://otakei.otakuma.net/archives/2016041703.html