唔好諗邪嘢，其實「The Bunyadi」呢間裸體餐廳笨唔係咩色情場所，佢係Lollipop集團下嘅新品牌，暫時好多嘢都未知，未知菜色係點、未知風格係點，淨係知佢僅僅營運3個月，而且客人入到嚟都要裸體用餐。之所以會有咁嘅設定，唔係想提倡色情行業，反而係想帶出一個訊息，就係要人回歸「基本、基礎、自然」，餐廳介紹就寫道，要客人「進入一個盤古狀態嘅神秘世界，冇電話、電燈，冇衣服（自行選擇），重新探視一切都新鮮、自由嘅原初，拋開現代生活嘅所有標誌」。

餐廳發起人Seb Lyall表示，「The Bunyadi」有3大特點：健康、潔淨、天然食材，其次顧客用餐時，一定要擺脫所以3C產品，最後要唔要全裸，就取決於客人意願。

由暫時曝光嘅餐廳格局圖可以見到，「The Bunyadi」有分全裸區與非全裸區，設計上亦冇過多裝飾，主要用上竹簾、柳條等材料做不同區域嘅分野。另外餐枱同凳都以木質為主，餐廳亦會以蠟燭代替電燈，塑造出原始感覺。