{ SKIP }
文:MenClub Mr.波特  圖:互聯網
POSTED ON 18 May 2017


皇馬翼鋒加利夫巴利近日同球隊攤牌,直言如果今夏真係要被賣走,佢喜歡加盟曼聯多過加盟車路士。




雖然巴利並唔想離開馬德里,但如果皇馬決意要將他送離班拿貝球場,咁佢都係有自己想加盟嘅球隊。

其實喺去年10月,巴利先岩岩同皇馬續約,當時合同仲一簽簽到2022年,除稅後週薪達到25萬鎊,講真比我都唔想走啦。

不過由於傷患問題,巴利被皇馬領隊施丹質疑其作用同佢係球隊嘅未來,所以佢嘅位置已經被取代。


今季巴利一共為皇馬上陣左24場比賽,其中都係一啲賽季初嘅比賽,所以基本上皇馬今季能夠有咁好嘅成績,都唔係太關巴利事。相反,伊斯高同艾辛斯奧都令人印象深刻,令人開始忘記巴利嘅存在。


除此之外,皇馬亦有意喺今年夏天向車路士收購同巴利一樣係翼鋒嘅夏薩特,又或者係摩納哥嘅麥巴比,咁樣巴利嘅位置將會受到更加嚴重嘅挑戰。


據最新嘅消息指,巴利嘅經理人已經開始向一啲英超球隊兜售巴利,相信對佢有興趣嘅球隊紀對唔少。


另外,巴利亦已經同皇馬主席佩雷斯見面,兼且講左自己希望去幫摩連奴,令曼聯可以重返英超強隊之列,但令人估唔到嘅係,佢對於加盟今屆英超冠軍並無加盟曼聯咁大興趣。而重返熱刺則完全唔喺巴利嘅計劃當中,他對呢個想法一啲興趣都無。


查實簽下巴利對於曼聯黎講都好有幫助,因為佢地上季嘅入球基本上都係全靠「呂布」伊巴謙莫域一個,但係宜家嘅佢因傷休戰,下季會唔會重返曼聯都係未知之數。咁嘅情況下,領隊摩連奴一定要搵返粒星番黎,除左增加球隊的星味外,最緊要嘅就係加強球隊嘅入球能力。而巴利作為一名飛翼,擁有極高嘅速度以及盤球能力,再加上他嘅遠射又了得,絕對值得摩帥收歸旗下。


講咗好多年嘅《Sleeping Dogs》真人版電影,終於有實際進展!自從今年1月《尚氣》演員劉思慕(Simu Liu)接手推動後,如今劇本初稿已經完成,距離登上大銀幕又近一步。 blockquote class="twitter-tweet"p lang= ...
hobby
【影視】《Sleeping Dogs》真人版電影有新進展!劉思慕:劇本初稿已完成
19 Oct 2025
由「The Rock」Dwayne Johnson同Emily Blunt主演嘅《The Smashing Machine》近日在美國正式上映,雖然票房表現慘淡,但就被視為係Dwayne Johnson問鼎奧斯卡之作,連著名大導演Christopher Nolan都大讚佢演技出色,難 ...
hobby
【影視】Nolan大讚The Rock《The Smashing Machine》演技出色:「今年或其他年份都難覓更好的演出」
17 Oct 2025