{ SKIP }
文:MenClub Mr.波特  圖:互聯網
POSTED ON 06 Jun 2017


2016-17年嘅歐聯賽事,喺皇馬以4:1擊敗祖雲達斯後正式完結,西甲班霸皇馬成為歐聯改制以黎第一支衛冕冠軍,寫下左歷史一頁。不過呢啲都已經成為歷史,新一季歐聯賽事已經準備就緒,各支球隊都會喺夏天努力增兵,以應付呢個歐洲最高級別聯賽。




根據歐洲足協最新宣佈,2017-18嘅歐聯小組賽將會喺8月24日舉行,屆時32支球隊將分成8組進行賽事。而目前為止,已經有22支球隊得到小組賽嘅資格,其餘10個空缺將會喺接落黎舉行嘅外圍賽定出。


歐聯小組賽抽籤前,呢32支球隊將會以積分以分成4個檔次,其中8個最高積分嘅聯賽冠軍將會定為第一檔次,其中包括皇馬(西甲)、車路士(英超)、拜仁慕尼黑(德甲)、祖雲達斯(意甲)、賓菲加(葡超)、摩納哥(法甲)、莫斯科斯巴達(俄超)以及薩克達(烏超)。


而第二檔次目前嘅球隊就包括:巴塞隆拿(西甲)、馬體會(西甲)、巴黎聖日耳門(法甲)、多蒙特(德甲)、曼城(英超)、波圖(葡超)以及歐霸盃冠軍曼聯(英超)。另外今年英超亞軍熱刺,則需要等待外圍賽嘅結果先知道會排在第二檔次定係第三檔次,因為如果好似西維爾(西甲)成功進入小組賽,咁佢嘅積分比熱刺高,所以佢就係成為第二檔次嘅球隊,而熱刺就只能被分喺第三檔次。


咁除左熱刺將有可能被定為第三檔次嘅球隊之外,宜家已經肯定為第三檔次嘅球隊仲包括:巴素利(瑞士)以及安得列治(比甲)。



最後,獲得資格但不知道會跌入第三或第四檔次嘅球隊就包括:羅馬(意甲)、比錫達斯(土超)、飛燕諾(荷甲)及RB萊比錫(德甲)。



到時抽籤,每一個小組都會由第一至第四檔次嘅球隊各抽一隊黎組成,所以睇到以上球隊嘅分佈,特別喺第二檔次擁有多支強隊,其中好似「地上最強」巴塞咁,隨時小組賽就會有2-3支頂級球隊分喺同一個小組入面進行撕殺,實在係好令人期待!


Pokmon卡牌手機遊戲《Pokmon TCG Pocket》最近推出全新卡包「天與海的指引」,但其中一張卡牌「鳳王ex」因為涉嫌抄襲中國繪師嘅同人作品,引起玩家們熱烈討論。官方隨即為對此公開致歉,承認在製作過程中有所疏忽, ...
hobby
【電玩】《Pokémon TCG Pocket》卡牌「鳳王」涉嫌抄襲中國繪師 官方公開致歉:誤將參考資料當正式文件
31 Jul 2025
最近美國時裝品牌American Eagle邀請到Sydney Sweeney拍攝新廣告,引起強烈迴響,更一度刺激公司股價急升12%。但與此同時,廣告宣傳口號因為玩食字而惹來爭議,被批評宣揚白人至上主義。 American Eagle ...
hobby
【影視】Sydney Sweeney時裝廣告玩食字 被批宣揚白人至上主義
30 Jul 2025