Hi-Resolution嘅賣點跟黎已經有個以塑膠、金屬製成嘅高可動骨架，而裝甲部份亦都已經有哂塗裝，玩家只需要剪哂啲部件落黎，修一修啲水口再砌上去就可以得出一隻完成度好高嘅模型。最適合有要求，但又冇時間自己逐件執嘅玩家。

而今次嘅零式高達W都秉承呢個賣點。裝甲塗裝方面加入咗灰色部份，同白色部份對照可以加強層次感；加入設計圖先有嘅第三對羽翼，令到整體感覺更加華麗，不過最大嘅賣點係可以變做MA形態！你唔好理佢拖住埋羽毛喺後面究竟點飛得快，我見到佢咁有型我個心就跳得好快！