冇血花，有傷害數字

E3後公佈嘅情報中，大家最關心嘅有兩點，一就係相傳打龍時會出現血花，二就係會出現攻擊數字。而喺直播中就見唔到有血花，但就真係有傷害數字，不過就相當細粒。傷害數字平時係白色，如果打中要害就會變成黃色，用意係方便用家知道打邊個位先最有效，但如果玩家真係唔鍾意，都可以於設定中關閉顯示。

2.5倍地圖 過區唔使黑畫面

今次MHW採用開放式地圖，地圖大小為以前嘅1.5倍，而前講話宛全唔使Loading，但實機示範見到其實過區時都係稍為Load一Load，不過比起以前要黑畫面就已經暢快得多。另外因為地圖係一整塊，所以以往唔夠打就跑去另一區避難嘅方法唔可行，怪物基本上係窮追不捨。另外大部份同怪物冇關嘅硬直都取消哂，經過採集點撳圓形就即時採到，要飲回復藥亦唔需要企定定。 

PS Plus直接玩

最後一樣好多人擔心嘅就係收費問題，好多人都怕佢係Online Game嘅運作模式，買完隻Game每個月仲要畀月費。但喺直播中就講明PS用家只需要有正常嘅PS Plus就可以玩(Xbox同PC未公佈，因為日本得PS版)。即係大家個銀包被佢劏一刀就得啦！係咪安心好多呢？