{ SKIP }
文:MenClub Mr.波特  圖:互聯網
POSTED ON 17 Jul 2017


作為今年嘅選秀榜眼,Lonzo Ball被湖人寄予厚望,認為佢就係球隊未來重建嘅第一核心,係球隊嘅領軍人物。而係目前進行中嘅夏季聯賽,Ball嘅表現亦對得上湖人對佢嘅期望,雖然佢仍然有好多進步嘅空間,但係佢所展現出黎嘅能力已經得到一致認同。




Lonzo Ball喺參加今年選秀大會前已經為人所認識,佢嘅實力係幾有天賦嘅,但係真正令佢為人所認識嘅係佢嘅父親LaVar Ball。呢位未打過NBA嘅「非常父親」一直以誇張嘅說話被媒體報導,講到佢個仔幾勁幾勁,勁過晒宜家嘅當紅球星,所以令到Ball嘅關注程度一下子達到非常高嘅位置。不過由於佢父親嘅言論令人反感,所以令到Ball亦一同被唔少人討厭,甚至睇衰佢入到NBA會被其他球星打爆。


雖然被外界重點關注,又被一眾Hater攻擊,但係Ball喺夏季聯賽一於少理,繼續以自己嘅方式比賽,而結果出奇地好,甚至有機會一舉拎到賽事嘅冠軍。



今日,湖人就係賽事嘅四強面對小牛,而Ball亦繼績有上陣並且有住相當出色嘅發揮。全場下來,Ball由於喺下半場腿部有啲小傷,所以就只係上陣左21分鐘,但就7投5中,三分球3投2中,罰球5罰4中,交出夏季聯賽命中率最好嘅一場比賽,全場拎到16分10助攻4籃板1抄截,而且無出現一次失誤。最終,湖人以108:98擊敗小牛,成功殺入決賽,決賽對手將會係拓荒者。


可以見到,Ball喺夏季聯賽一路落黎表現越黎越好,大三元、單場36分、雙雙,好似無咩野難到佢咁,特別係助攻更加係非常之咁吸睛(今日面對小牛就有一次one touch pass)。當然佢無展示出頂級嘅進攻能力,但係好似今日咁佢就成功改善自己嘅失誤問題,單係幾場比賽就可以有咁嘅進步真係好恐佈。除左咁,最重要嘅係球隊喺佢嘅帶領下打出精彩嘅表現,咁樣證明Ball本人真係擁有令身邊隊友變強嘅能力。



夏季聯賽作為一個比準備進入NBA嘅新人一個展現自己能力嘅地方,佢嘅水平可以話喺最接近NBA比賽嘅級別。不過,同真正嘅NBA比賽相比,夏季聯賽嘅激烈程度同埋強度都係有住一段大距離,所以Ball必須要有心理準備,因為喺黎緊嘅NBA比賽佢將會遇到更多怪物,隨時被教訓得好難睇。不過相信以佢久經鍛鍊嘅抗壓力,比賽嘅壓力應該難佢唔到嘅!


由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025