今年夏天，曼聯將前隊長朗尼送回母會愛華頓後，領隊摩連奴就將隊長一職交比效力紅魔鬼時間長耐嘅老將卡域克。雖然卡域克今季貴為紅魔隊長，但係畢竟佢已經36歲，體能上可能已經有啲跟唔上，所以今季佢只係喺聯賽盃上陣左1場而已。對於摩帥黎講，卡域克已經唔喺球隊嘅未來計劃入面，相信好快佢亦可能會步朗尼後塵離隊。