{ SKIP }
文:MenClub 路兒  圖:MenClub
POSTED ON 08 Nov 2017
各位模型玩具迷注意!一年一度嘅《亞洲玩具展ToySoul》將於12月中旬舉行,一次過集合晒本地原創同中、日、韓、台等不同地區嘅玩具模型;今年仲新增「NIGHT MARKET」環節,發售黑夜主題限定商品,上班族放工去行展就Fit啦。
第四屆《亞洲玩具展ToySoul》將於12月15日至17日假九龍灣國際展貿中心匯星舉行,有三十多個玩具品牌參展,除咗香港原創設計,亦有中國大陸、澳門、台灣、日本、韓國、泰國等亞洲各地的設計師,展出人偶、原創玩具、插畫、電玩遊戲等。

今屆大會吉祥物「TSmon」出自韓國嘅SML(Sticky Monster Lab)手筆,一身棒球造型襯上大會主題紅色,突出ToySoul活力。SML坦言,過往在台北參與玩具模型展多年,台灣嘅入場者親切有如一家人;相較之下因較少嚟香港,暫時反應未有咁熱烈,但認為香港唔少人都對玩具有興趣,希望可以有更多機會來港認識交流。佢哋又指,目前市場以鑑賞類模型為主,計畫在設計加入實用功能,例如小電器等,令設計更多元化。

SML設計的ToySoul限量版公仔($180)
EVA SNAKE EYE 香港限定版1/35模型,金光閃閃,仲有埋香港區徽。($120)

黑夜限定系列有多款注目商品,例如全球首賣嘅搪膠黑金色版黃金俠,同埋大蕃薯x星戰Yoda特別版人偶。(售價待定)
《街霸》BULKYZ COLLECTION系列亦會在場發售。

本地原創玩具設計Super Fans Toys今年首度參展,模型以電影《變型金剛》系列為主題,採用半立體雕塑形式製成,從布景板凸出,可換表情亦可發光。主理人Fred To認為,香港模型日趨精細,在款式豐富度、上色細緻度以至市場潮流方面亦更透徹成熟,相信本地市場雖量不大,仍是亞洲區重要樞紐。

其他展品:

《亞洲玩具展ToySoul》

日期:12月15日至17日(星期五至星期日)

地點:九龍灣國際展貿中心3樓匯星

時間:11am-9pm(12月17日:11am-6pm)

門票:30港元(11歲或以下免費入場)

門票發售:11月中起ToySoul App、全港7-11便利店及各大玩具店

網址:http://toysoul.hk

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025