「大恩」F.恩沙基作為AC米蘭傳奇射手，佢喺2011-12球季結束後正式掛靴，退役後佢曾執教米蘭嘅青年軍，又曾委任為米蘭一隊主教練，可惜當時佢未能帶領球隊打出好成績，最終短短一季就被辭退。不過，如今恩沙基可能有機會再次重返意甲執教，因為佢嘅執教能力開始被留意了。

雖然以教練身份未能喺米蘭取得成功，但現年44歲嘅大恩並未有放棄做教練嘅想法，佢喺2016被意丙球隊維尼斯委任為球隊主教練，而從低做起可能亦都係較適合呢位傳奇。要知道當日作為球員，思沙基亦都係由低級聯賽踢起，再慢慢為人所認識，最後才加入AC米蘭，成為大賽球員，為球隊奪得多項錦標。

而成為威尼斯領隊後，佢隨即帶隊喺意丙B組以10分之差奪得該組冠軍，從而順利升上意乙聯賽。而進入意乙後，維尼斯繼續發揮出色，經過42場比賽後，最終以17勝16和9負嘅戰績獲得聯賽第5位，並獲得升班踢附加賽嘅機會，而對手將會喺佩魯賈，有趣嘅係呢支對手嘅領隊正正就係恩沙基嘅前隊友尼斯達。若果威尼斯能夠膀出，咁即係話佢地有機會兩年內連升兩班至意甲。

當然，威尼斯未必可以咁順利贏到佩魯賈，不過就算未能勝出，恩沙基亦有機會重返意甲執教，因為有球隊已經對呢位傳奇少帥感興趣，其中包括博洛尼亞。所以，如果威尼斯落敗恩沙基好大機會就會加盟博洛尼亞，而如果能夠勝出嘅話，相信佢就會繼續留隊帶領威尼斯征戰意甲！