第18屆亞洲運動會即將喺今年8月中喺印尼雅加達舉行，而其中足球將會係其中一項香港有份參與嘅賽事，同時亦可能係最可以引發香港人一齊全情投入支持嘅項目。

而日前，港隊正式公佈左初選嘅40人名單，其中包括3位超齡球員：列斯奧、林嘉緯及佐迪。呢套40人大軍將會喺6月19日正式開操，其後將會喺6月29日選出將會征戰嘅最後名單，然後就會離開香港到外地進行數次集訓，並等待8月比賽喺印尼正式開始。

港隊亞運初選40人陣容名單：

守門員：陳嘉豪、李溢晉、謝家榮、王子聰、袁皓俊

後衛：陳港斌、羅振庭、列斯奧*、羅梓駿、劉學銘、韋健豪、謝朗軒、徐宏傑、勞烈斯、姚浩明、余沛康、余煒廉

中場：陳柏熹、鄭俊彥、黎厚希、林衍廷、林嘉緯*、羅曉聰、顏卓彬、周緣德、杜國榆、蕭俊銘、陳俊樂、黃駿軒、胡晉銘、茹子楠

前鋒：鄭兆均、鄭展龍、趙少維、鍾偉強、播磨浩謙、佐迪*、黎洛賢、林樂勤、安永佳

*為超齡球員